ABŞ prezidenti Donald Tramp Danimarkanın baş naziri Mette Frederiksenin Qrenlandiya satmaqdan imtina etdiyinə görə onla görüşü təxirə salıb. The Guardian yazır ki, ötən bazar günü çıxışında bu barədə danışan baş nazir Danimarkanın yarı-muxtariyyəti olan Qrenlandiyanın satışını absurd müzakirə adlandırıb.
Tramp da bundan sonra Tvitterdə yazıb ki, əgər baş nazir həmin ərazinin satışında maraqlı deyilsə, onda o da iki həftə sonraya planlaşdırılan görüşü təxirə salır.
Denmark is a very special country with incredible people, but based on Prime Minister Mette Frederiksen’s comments, that she would have no interest in discussing the purchase of Greenland, I will be postponing our meeting scheduled in two weeks for another time….
— Donald J. Trump (@realDonaldTrump) August 20, 2019
Nə baş verib: Trampın Qrenlandiyanı satın almaq təklifi yerli əhali “dəlilik” kimi qiymətləndirib. Danimarkanın baş naziri Mette Frederiksen Qrenlandiyaya səfəri zamanı həmkarı Kim Kielsenə deyib:
Qrenlandiya Danimarkaya məxsus deyil. Qrenlandiya qrenlandlarındır. Mən həqiqətən ümid edirəm ki, bu, ciddi mənada deyilmiş fikir deyil.
ABŞ-ın Qrenlandiyanı almaq üçün əvvəlki cəhdləri: Alyaska ilə torpaq mübadiləsi təklifi rədd ediləndən sonra, 1946-cı ildə ABŞ 100 milyon ABŞ dolları qarşılığında bu ərazini satın almaq istəyib.
Bundan sonra isə ABŞ Qrenlandiyanın şimalında Thule hava qüvvələri hərbi bazası qurmaqla bağlı anlaşma imzalayıb.
