Braziliya hökuməti G7 ölkələrinin Amazon meşəsindəki yanğını söndürmək üçün 20 milyon dollar yardım təklifini qəbul etməyib. Deutsche Welle yazır ki, Braziliya Prezident Administrasiyası bu ölkələrə həmin məbləği Avropadakı meşələrdə ağacların sayının artırılması üçün xərcləməyi tövsiyə edib.
Bundan əvvəl isə Braziliya hökuməti Amazon meşələrindəki yanğını G7 zirvə toplantısının gündəminə daxil edən Fransa prezidenti Emanuel Makronu bir neçə dəfə tənqid edib. Prezident Jair Bolsonaro Makronu müstəmləkəçi təffəkürdə olmaqda ittiham edib.
