Türkiyənin təkcə Şanlıurfa əyalətində bir il yarım ərzində 1200-də çox uşaq cinsi istismara məruz qalıb

Türkiyənin Şanlıurfa əyalətinin Vəkillər Kollegiyasının yaydığı məlumata görə bu əyalətdə bir il yarım ərzində 1200-də çox uşaq cinsi istismara məruz qalıb.

Euronews yazır ki, məlumatda 1 yanvar, 2018-ci il – 21 avqust 2019-cu il tarixləri arasında ümumilikdə 1292 nəfər cinsi istismara məruz qaldığı qeyd olunur. Onlardan 1216-ı uşaqdır; 272-si oğlan, 944-ü isə qızdır.

Vəkillər Kollegiyasının üzvü olan vəkillərin sözlərinə görə, bu rəqəmlər yalnız Ədliyyə işlərinə əsasən qeydə alınan rəqəmlərdir, əslində isə vəziyyət göründüyündən daha ağırdır. Vəkillər xüsusilə də Şanlıurfa şəhərindəki mühacir suriyalı ailələrin uşaqlarının təcavüzə məruz qaldığını deyir. Onların sözlərinə görə, Siverek kəndində suriyalı ailələrdən birinin 12 yaşlı oğlu kəndin imamının təcavüzünə məruz qalıb. İmamın ailəsi pul qarşılığında uşağın ailəsinin şikayət ərizəsindən imtina etməyini istəyib. Amma imama 25 il azadlıqdan məhrumetmə cəzası verilib.

Kollegiyanın məlumatına görə, uşaqlar onlara təcavüz edən kişilərlə pul qarşılığında həmin adamların ikinci evliliyinə razı olur. Mediada yayılan xəbərlərə görə təcavüzə məruz qalan uşaqlardan 21-i hamilə qalıb.