Honq Konq lideri Kerri Lam etiraz aksiyalarına səbəb olan qanun layihəsini ləğv edib.
Euronews yazır ki, cinayət və təcavüzdə ittiham olunan şübhəlilərin Çinə ekstradisiyasını nəzərdə tutan qanunun qəbulu bir müddət əvvəl təxirə salınsa da etiraçılar bununla razılaşmayıb.
Honq Konq liderinin qərarından sonra fond birjasında 4%-dən çox artım qeydə alınıb.
Nə baş verib: Bu il iyunun 9-da yarım milyondan çox insan qanun layihəsinə etiraz etmək üçün Honq Konq küçələrinə axışıb. İyunun 12-də isə son illərin ən byük etiraz aksiyasına polis bibər qazı və plastik mərmi ilə müdaxilə edib. 15 iyunda Kerri Lam layihəni bir müddət dondurduğunu elan etsə də etirazçılar bununla kifayətlənmədi.
İyun ayından bəri etiraz aksiyaları Honq Konq hava limanında da daxil olmaqla davam etdi. Reuters agentliyi K. Lamın bir qrup iş adamına “əlimdə olsaydı istefa verərdim” dediyi səs yazısını yayımlayıb. Bunla bağlı açıqlama verən honq Konq lideri deyib ki, istefa vermək üçün heç vaxt Çin hökumətinə hər hansı müraciəti olmayıb.
