Fuad Qəhrəmanlı AXCP sədri müavinliyindən istefa verdi

Azərbaycan Xalq Cəbhəsi Partiyasının (AXCP) sədr müavini Fuad Qəhrəmanlı bu gün tutduğu vəzifədən istefa verdiyini açıqlayıb. Buna səbəb kimi o, qızı Selcan Yağmurun onun haqqında yazdıqlarının partiya nüfuzuna xələl gətirməyini istəmədiyini göstərib.

Nə baş verib: Selcan Yağmur ötən gün öz Facebook profilində atasının onu, bacısı və anasını ailədaxili şiddətə məruz qoyduğu barədə status yazıb. Hazırda anasının boşanmağa hazırlaşdığını yazan Selcan atasının partiya yoldaşlarınən, hətta Əli Kərimlinin anası və atasını boşanmaqdan çəkindirməyə çalışdığını iddia edib.

Fuad Qəhrəmanlının reaksiyası: Selcan Yağmurun statusundan sonra Fuad Qəhrəmanlı qızının profilinin oğurlandığını yazsa da sonradan bunu silib və qızının həmin statusu emosional gərginlik altında yazdığını, bəzi nüansları şişirtdiyini qeyd edib.