Game of Thrones serialının aktroyları Emmy mükafatının təqdimatında. Foto: Chris Pizzello / AP

Televiziyanın Oscar-ı hesab olunan Emmy mükafatının qalibləri müəyyənləşib.

Bu il 71-ci dəfə təqdim olunan Emmy-nin dram janrında ən yaxşı serial mükafatını “Game of Thrones” serialı alıb. Səkkizinci, final sezonu bu il yayımlanan serial indiyə qədər ümumilikdə 57 Emmy mükafatı qazanıb.

İngiltərə istehsalı olan və BBC-də yayımlanan qara yumor “Fleabag” serialı isə bir neçə nominasiyada qalib olub. Serial ən yaxşı akrtisa, ən yaxşı serial, ən yaxşı rejissor və ən yaxşı ssenari mükafatlarına layiq görülüb.

HBO istehsalı olan daha bir serial – “Chernobyl” ən yaxşı mini serial, ən yaxşı mini serial ssenaristi, ən yaxşı mini serial rejissoru nominasiyalarında qalib olub.

HBO serialları ümumilikdə 34, Netflix isə 27 mükafat qazanıb.