2 aprel mitinqindən. Foto: Turxan Kərimov / AzadlıqRadiosu

Bu gün Avropa İnsa Haqları Məhkəməsi (AİHM) Azərbaycanın müxalif partiya rəhbərləri və fəallarının 11 şikayəti üzrə birgə qərarını elan edib. Bu barədə məlumatı hüquqşünas Xalid Ağaliyev yayıb.

Qərara əsasən şikayətçilərə ümumilikdə 128 min avro cərimə ödənməlidir.

Məhəmməd Məcidli – 14 500 Avro

Tural Abbaslı – 10 000 Avro

Arif Hacılı, Fuad Qəhrəmanlı, Babak Həsənov, Zülfüqar Eyvazov, Arif Alışlı, Elşən Həsənov, Rüfət Hacıbəyli, Sahib Kərimov, Ülvi Quliyevin hər birinə 11 500 avro təzminat ödənməlidir.

Onlar nədən şikayət edirdi: Adları çəkilən siyasilər 2011-ci ildə, müxalifət partiyalarının birliyi olan İctimai Palatanın təşkil etdiyi etiraz aksiyaları zamanı saxlanılıb, məhkum edilib və inzibati qaydada cəzalandırılıblar. Arif Hacılı, Məhəmməd Məcidli və Tural Abbaslı 2 il 6 ay müddətinə azadlıqdan məhrum edilib, Fuad Qəhrəmanlıya 2 il şərti cəza verilib, digər müxalifətçilər inzibati cəza alıb.

Şikayət hansı maddələr üzrə idi: Ərizəçilər AİHM-ə şikayətlərində onlara münasibətdə Avropa Konvensiyasının 3-cü (İşgəncəyə məruz qalmamaq), 5-ci (Azadlıq və toxunulmazlıq hüququ), 6-cı (Ədalətli məhkəmə araşdırması hüququ), 10-cu (İfadə azadlığı) və 11-ci maddələrinin pozulduğunu iddia edirdilər.