“Facebook” sosial şəbəkəsi Avstraliyada istifadəçilərin like sayını göstərməyən pilot layihəsinə start verib.
Bu gündən etibarən bəzi istifadəçilər başqasının paylaşımına gələn like və ya reaksiyaları görə bilməyəcək. İstifadəçilərin özləri isə bu sayı görə biləcək.
“Facebook”da düşünürlər ki, bu dəyişikliklə istifadəçilərin üzərindəki sosial təzyiq azalacaq və onlar paylaşımlara gələn like və reaksiyalara yox, daha çox kontentin keyfiyyətinə üstünlük verəcəklər. Like sayının görünməməsi təcrübəsini “Facebook” ilk dəfə Instagram üzərində sınaqdan keçirib.
Belə bir pilot layihəyə avqust ayından “Vkontakte” sosial şəbəkəsi də başlayıb.
