İsveçli iqlim fəalı Qreta Tunberq və dostları Türkiyə də daxil olmaqla 5 ölkəni iqlim dəyişikliyi ilə bağlı kifayət qədər önləyici tədbir görməyərək BMT-nin Uşaq Haqları Konvensiyasını pozmaqda ittiham edib. Amma şikayət edilən Türkiyə, Almaniya, Argentina, Braziliya və Fransa istixana effekti yaradan qazların emissiyasına görə ilk sıralarda deyil.
Dünyadakı karbondioksid emissiyasını izləyən beynəlxalq platforma – Qlobal Karbon Atlasının (GCA) məlumatına görə, bu qazın emissiyasına görə əsas məsuliyyəti daşıyan ilk 5 ölkə bunlardır.
Çin – 27%
ABŞ – 14,6%
Hindistan – 6,8%
Rusiya – 4,7%
Yaponya – 3,3%
“Gələcək üçün cümə günləri” aksiyasının təşkilatçısı olan Qreta və 15 dostunun BMT-ə ünvanladığı şikayətdə isə bu ölkələrin heç birinin adı yoxdur. Niyə?
Çünki bu ölkələr həmin uşaqların şikayəti üçün əsas təşkil edən və BMT-nin Konvensiyasının 2014-cü ildə qəbul edilən əlavə protokolunu imzalamayıblar. Həmin əlavə protokol uşaqlara imkan verir ki, fərdi olaraq müraciətlər edə bilsinlər.
Haqqında şikayət edilən ölkələr Qlobal Karbon Atlasında hansı yerdədir?
Beynəlxalq platformanın dəyərləndirdiyi 122 ölkədən adıçəkilən 5 ölkə aşağıdakı yerlərdədir:
Almaniya – 6-cı yer
Braziliya – 13
Türkiyə – 15
Fransa – 18
Argentina – 29
BMT-nin Uşaq Hüquqları Komitəsi Qreta və dostlarının şiakyətini araşdıracaq. Əgər iqlim dəyişikliyi ilə bağlı kifayət qədər mübarizə aparmayaraq uşaq haqlarının pozulduğuna əsas gətirilsə, aidiyyatı hökumətlərdən cavab tələb olunacaq.
