Vəkillər Kollegiyasının fəaliyyətinə xitam verdiyi vəkil Yalçın İmanovun bu gün Ali Məhkəmədə kasasiya şiakyətinə baxılıb. Hakim Rahib Nəbizadənin sədrliyi ilə keçirilən iclasda Gəncə İnzibati-iqtisadi Məhkəməsinin və Gəncə Apellyasiya Məhkəməsinin Y.İmanovla bağlı qərar qüvvədə qalıb. “Amerikanın səsi” yazır ki, vəkil öz hüquqlarını bundan sonra Avropa İnsan Hüquqları Məhkəməsində bərpa etməyə çalışacaq.
Nə baş verib: 2017-ci ilin noyabrın 20-də Vəkillər Kollegiyası Rəyasət Heyəti Penitensiar Xidmət rəhbərliyinin şikayəti əsasında Yalçın İmanovun vəkillik fəaliyyətinə xitam verilməsi üçün məhkəməyə müraciət edib və onun vəkillik fəaliyyəti dayandırılıb.
Məhkəmələrin qərarlar: 2019-cu il fevralın 22-də Gəncə İnzibati-iqtisadi Məhkəməsi Yalçın İmanovun vəkillik fəaliyyətinə xitam verib. Mayın 17-də Gəncə Apellyasiya Məhkəməsi qərarı qüvvədə saxlayıb. Yalçın İmanov Vəkillər Kollegiyasının Rəyasət Heyətinin qərarının ləğvi üçün Sumqayıt İnzibati-İqtisadi Məhkəməsinə də müraciət edib. Məhkəmə iddiaya baxmayıb. Sumqayıt Apellyasiya Məhkəməsi və Ali Məhkəmə bu qərardadı qüvvədə saxlayıb.
