Türkiyə prezidenti Rəcəb Tayyib Ərdoğan və ABŞ prezidenti Donlad Tramp. Foto: AJ, AP. Kollaj: mikroskop media

Ağ Ev Türkiyənin Suriyanın şimalında keçirəcəyi əməliyyatı dəstəkləməyəcəyini açıqlayıb.

Euronews yazır ki, Ağ Ev sözcüsü Stefani Qrişam Türkiyənin uzun müddətdir adını hallandırdığı əməliyyatın qısa müddət ərzində baş tutacağını açıqlayıb.

Əməliyyatın keçiriləcəyi bölgədə ABŞ-ın YPG qüvvələri ilə birlikdə xidmət edən 1000-ə yaxın əsgəri var və onlar bölgədən çıxarılacaq.

Açıqlamada son iki il ərzində regionda həbs olunan Almaniya və Fransa əsilli İŞİD-çilərdən də danışlıb. Ağ Ev deyib ki, İŞİD-in əlinən alınan bölgədə həbs olunan İŞİD-çilərə görə də məsuliyyəti artıq Türkiyə daşıyacaq.

Amaniya, Fransa və digər Avropa ölkələrindən olan və İŞİD-ə qoşulan vətəndaşlar öz ölkələrinə geri qəbul edilmir. ABŞ bununla bağlı təkid etsə də İŞİD-çi məhbusların böyük maddi xərcə səbəb olduğunu əsas gətirərək onları qəbul etməyib.

Əməliyyatda Türkiyənin məqsədi nədir: Türkiyə prezidenti sözcüsü İbrahim Kalın deyib ki, ölkənin heç kimin torpağında gözü yoxdur:

Suriyanın ərazi bütövlüyü çərçivəsində olan regionun iki məqsədi var; terrorçuları təmizləyərək sərhədlərimizin təhlükəsizliyini təmin etmək və mühacirlərin ölkələrinə geri qayıtmağını təmin etmək. Türkiyə güclü və stabildir.

Ağ Ev sözcüsü Türkiyə prezidenti Rəcəb Tayyib Ərdoğanla ABŞ prezidenti Donald Trampın noyabrda Vaşinqtonda görüşəcəyini deyib.