Tramp Türkiyənin Suriyadakı əməliyyatını iki məktəblinin davasına bənzədib: Dedim ki, gərək bir az dalaşsınlar

Tramp Texasdakı mitinqdə. Foto: Andrew Harnik / AP

ABŞ prezidenti Donald Tramp Texasdakı mitinqdə Türkiyənin Suriyanın şimal-şərqində keçirdiyi əməliyyatla bağlı açıqlama verib. Deutsche Welle yazır ki, prezident bu əməliyyatı orta məktəbdə iki uşağın dalaşmağı ilə müqayisə edib:

Dedim ki, gərək bir az dalaşsınlar. Məktəb həyətində dava edən iki uşaq kimi əvvəlcə dalaşmaqlarlna icazə verin, sonra da ayırın. Bir neçə gün dalaşdılar və çox şiddətli idi.

Pezident deyib ki, bu müddət ərzində 1 damcı da olsa amerikalı qanı axmayıb:

Biz ora gedib xahiş etdik ki, fasilə versinlər. Kürdlər möhtəşəm idi. Bir az geri çəkiləcəklər.

Nə baş verib: Türkiyənin Suriya ilə sərhədində təhlükəsizliyi təmin etmək üçün bu ölkənin şimal-şərinqə keçirdiyi “Sülh çeşməsi” əməliyyatını dayandırıb. Ötən gün ABŞ-ın vitse-prezidenti Mayk Pens Türkiyə prezidenti Rəcəb Tayyib Ərdoğanla görüşündən sonra açıqlama verib. O deyib ki, Suriyada atəşkəs elan olunması barədə razılığa gəliblər. Türkiyə xarici işlər naziri Mövlud Çavuşoğlu isə bunun atəşkəs olmadığını YPG qüvvələrinin geri çəkilməsi üçün əməliyyata fasilə verildiyini deyib.