“Bakı Metropoliteni” Milli Şuranın bu gün “28 May” stansiyasının qarşısında keçirməyi planlaşdırdığı etiraz aksiyası ilə bağlı məlumat yayıb. Məlumatda deyilir ki, metropoliten vətəndaşların hüquqlarını qorumaq məqsədilə 3 stansiyanın fəaliyyətini müvəqqəti dayandıracaq:
Strateji əhəmiyyətli və kütləvi nəqliyyat infrastrukturunun fəaliyyətinin iflic olmaması, eləcə də bu nəqliyyat vasitələrindən istifadə edən vətəndaşların hüquqlarının qorunması məqsədilə, Bakı metropoliteninin “28 May”, “Cəfər Cabbarlı” və “Xətai” stansiyalarının oktyabrın 19-da saat 13:00-dan fəaliyyətinin müvəqqəti dayandırılması qərara alınıb.
Məlumatda o da yazılıb ki, metropolitenin mühafizə zonalarında qanunsuz aksiya keçirilməsinə çağırışlar edən şəxslər barədə aidiyyatı hüquq mühafizə orqanlarına müraciət olunacaq.
