Ailə, Qadın və Uşaq Problemləri üzrə Dövlət Komitəsi ötən gün feministlərin qadına zorakılıq əleyhinə keçirdiyi aksiya barədə məlumat yayıb. Report-un yaydığı məlumatda komitə bu sahədə qəbul olunan qanunlardan danışıb. Məlumatda qeyd olunan sənədlər:
“Gender bərabərliyinin təminatları haqqında” Qanun (2006-cı il)
“Məişət zorakılığının qarşısının alınması haqqında” Qanun (2010-cu il)
“2008-2015-ci illərdə Azərbaycan Respublikasında yoxsulluğun azaldılması və davamlı inkişaf Dövlət Proqramı”nın həyata keçirilməsi üzrə Tədbirlər Planı (2011-2015-ci illər)” 3.5.2.1-ci bəndinin icrası məqsədi ilə Yerli İcra Hakimiyyəti orqanlarında Gender zorakılığı və uşaqlara qarşı zorakılıq üzrə monitorinq qrupları yaradılıb.
Komitənin məlumatında İstanbul Konvensiyasının imzalanması üçün təkliflər paketinin Hökumətə təqdim olunduğu qeyd edilsə də, bu təqdimatın nə vaxt olduğu bildirilməyib.
Hazırda görülən işlərlə bağlı isə bildirilib ki, komitə “Məişət zorakılığından müdafiə mexanizmləri” mövzusunda təlimlər keçirir, seminarlar təşkil edir.
Dövlət qurumu görülən uğurlu işlərdən biri kimi hüquq-mühafizə orqanlarında qadınların sayının artırılmasını misal çəkib. Bunun qadınlara qarşı ayrı-seçkiliyin qarşısının alınması sahəsində görülən işlərdən olduğunu deyib.
