Ombudsmanın Milli Preventiv Qrupunun (MPQ) üzvləri əvvəlcədən xəbərdarlıq etmədən Daxili İşlər Nazirliyinin İnzibati Həbs Olunanların Saxlama Mərkəzinə baş çəkib.
Report yazır ki, başçəkmə zamanı onlar 19 oktyabr aksiyasında həbs olunan siyasi fəal Tofiq Yaqublu ilə də görüşüb. Məlumata görə, o, konfidensial qaydada dinlənilib, müraciətləri qəbul olunub. T.Yaqublunun ailə üzvü ilə görüşü və saxlanma şəraiti ilə bağlı müraciəti təmin edilib.
Nə baş verib: Tpfiq Yaqublu Milli Şura və AXCP-nin oktyabrın 19-da “28 may” metrostansiyasının qarşısında keçirdiyi aksiya zamanı həbs olunub. Qızı Nigar Həzinin yaydığı məlumata görə, o, işgəncəyə məruz qalıb və qabırğaları sındırılıb.
O, 15 sutka inzibati qayda da həbs olunub.
