Avropa İnsan Haqları Məhkəməsi ReAl Partiyasının icra katibi Natiq Cəfəli ilə bağlı qərar çıxarıb. Bu barədə məlumatı onun vəkili Cavad Cavadov verib.
Məhkəmə onun həbsinin siyasi motivli olmasını tanıyaraq Azərbaycan hökumətini cərimələyib. Kompensasiya olaraq şikayətçiyə 15 000 avro, vəkil xərcləri üçün isə 2 000 avro ödənməlidir.
Nə baş verib: N. Cəfərli 2016-cı ilin 12 avqustunda saxlanılaraq Nəsimi rayon Məhkəməsinin qərarı ilə barəsində 4 ay həbs qətimkan tədbiri seçilib.
Hansı ittihamla: Cinayət Məcəlləsinin 192.1 (Qanunsuz sahibkarlıq) və 308.2-ci (Vəzifə səlahiyyətlərindən sui‐istifadə ağır nəticələrə səbəb olduqda) maddələri ilə ittiham edilib.
Azadlığa buraxılması: Elə həmin ilin 9 sentyabrında Nəsimi rayon məhkəməsinində həbs qərarı ləğv edilib və o, məhkəmə zalından azadlığa buraxılıb.
