Müsavatçıların həbsi (arxiv foto). Foto: Səxavət Soltanlı

Bu gün səhər saatlarından Müsavat Partiyasının funksionerləri polis bölmələrinə çağırılır. Bu barədə onlar facebook-da məlumat yayıb.

Bu dəqiqəyə olan məlumata görə, sabah saat 11:00-da Gülağa Aslanlı, Səxavət Soltanlı, Razim Əmiraslanlı və Fərəc Kərimli Bakı Şəhər Baş Polis İdarəsinə çağırılıb.

Hazırda sutkalıq inzibati həbsdə olan Tofiq Yaqublunun oğlu Rəhim Yaqublu 32-ci Polis bölməsinə, Əbülfəz Sadıqbəyli isə 5-ci Polis bölməsinə çağırılıblar.

Səbəb nədir: Müsavat Partiyası 12 noyabra BŞİH qarşısında piket keçirmək barədə qərar qəbul edib. Partiya əvvəl 10 noyabrda keçirməyi planlaşdırsa da BŞİH Lökbatan qəsəbəsini məsləhət görüb. Müsavat isə bununla razılaşmayıb və İcra Hakimiyyəti qarşısında piket üçün müraciət edib.