Aldığı kəllə-beyin travmasına görə, Türkiyə müalicə olunan hüquq müdafiəçisi Oqtay Gülalıyevin hazırkı vəziyyəti ilə bağlı Heydər Əliyev Fondu məlumat yayıb.
Report yazır ki, məlumata görə, O.Gülalıyevin müalicəsi davam etdirilir.
Hazırda Oqtay Gülalıyevin müalicəsi Heydər Əliyev Fondunun dəstəyi ilə Amerikan Xəstəxanasında davam edir. Müalicə müəssisəsi hər 10 gündən bir xəstənin səhhəti ilə bağlı Fonda hesabat təqdim edir. Dekabrın 9-da göndərilən hesabat görə, Oqtay Gülalıyevin ağciyər və qanında infeksiya var və buna uyğun müalicə tətbiq olunmaqdadır.
Fond məlumatda qeyd edir ki, həkimlərin rəyi nəzərə alınaraq hüquq müdafiəçicisinə dəstəyin göstəriləcəyi barədə onun həyat yoldaşı Firuzə Gülalıyeva məlumatlandırılıb.
