ABŞ prezidenti Co Bayden Rusiya banklarını dollar əməliyyatlarını qadağan etməklə hədələyib. Bayden bunu prezident vəzifəsində keçirdiyi 1 il münasibətilə təşkil olunan mətbuat konfransında bildirib.
Onun sözlərinə görə, Ukraynada vəziyyət gərginləşərsə, Vaşinqton Rusiya banklarına dollarla əməliyyatlar aparmağı qadağan edə bilər. Bu tədbir ABŞ rəhbərliyinin dəfələrlə Rusiyanı hədələdiyi sanksiyalar paketinə daxil ediləcək maddələrdən biri olacaq:
Ukrayna ətrafında eskalasiya zamanı Rusiya dollarla əməliyyatlar apara bilməyəcək. Açıq şəkildə bildirmək istəyirəm ki, dollarla və ya başqa şeylərlə əməliyyatlara ciddi sanksiyaların tətbiqi ABŞ və dünya üçün mənfi, Rusiya üçün dağıdıcı nəticələr verəcək.
Co Bayden
Co Bayden onu da əlavə edib ki, sanksiyalara SWIFT (Ümumdünya Banklararası Maliyyə Telekommunikasiya Cəmiyyəti) ilə əlaqəni kəsmək də daxil ola bilər.
