Malayziya hökuməti 2005-ci ildən sonra doğulan şəxslərə siqaret və tütün məmulatlarının satışını qadağan etməyi planlaşdırır. Bu haqda ölkənin səhiyyə naziri Hayri Camaluddin Cenevrədə keçirilən ÜST İcraiyyə Şurasının 150-ci sessiyasında danışıb.
Onun sözlərinə görə, yeni qanun layihəsi bu ilin sonunda qəbul oluna bilər:
Malayziya bəzi Qərbi Sakit okean əyalətləri kimi bu il bütün nəsli siqaretdən xilas edəcək qanun qəbul etməyə ümid edir.
Hayri Camaluddin
Nazir onu da əlavə edib ki, Malayziyada ölüm hallarının əsas səbəblərindən biri tütün məhsulları ilə bağlı xəstəliklərdir. Belə ki, ötən il ölkədə qeydə alınan 31 minə yaxın ölüm hadisəsinin 27 mini tütündən istifadənin nəticələri ilə bağlı olub.
Qeyd: Qanun qəbul edilsə, bu gün Malayziyada 17 yaşı tamam olan yeniyetmələr 18 yaşına çatdıqda heç vaxt qanuni olaraq tütün ala bilməyəcəklər.
