Rusiya hərbçiləri Çernobıl Atom Elektrik Stansiyasının ərazisini nəzarətə götürüblər. Məlumatı “UNİAN” nəşrinə açıqlamasında Prezident Aparatı rəhbərinin müşaviri Mixail Podolyak təsdiqləyib. Onun sözlərinə görə, hazırda stansiya təhlükədədir, təxribat riski var:
Ağır döyüşdən sonra Çernobıl sahəsinə nəzarətimiz itirildi. Keçmiş Çernobıl AES-in obyektlərini, saxlama anbarları və nüvə tullantılarının aqibəti məlum deyil. Rusların bu istiqamətdəki tamamilə mənasız hücumundan sonra Çernobıl AES-in təhlükəsiz olduğunu demək mümkün deyil. Bu, Avropa üçün bu gün ən ciddi təhlükələrdən biridir.
Mixail Podolyak
Podolyak vurğulayıb ki, rus hərbçiləri Çernobıl AES-də təxribat xarakterli şeylər hazırlaya, ondan istifadə edə bilərlər.
