Fransa hökuməti Rusiya Mərkəzi Bankının 22 milyard avro məbləğində vəsaitin dondurulduğunu bəyan edib. TASS-ın məlumatına görə, bu barədə Fransanın İqtisadiyyat və Maliyyə naziri Bruno Le Maire bildirib:
Biz Rusiya Mərkəzi Bankının 22 milyard avro məbləğində aktivlərini, həmçinin fiziki şəxslərin Fransa qurumlarındakı hesablarında olan 150 milyon avro məbləğində vəsaiti dondurmuşuq. Həmçinin, 150 milyon avro dəyərində iki böyük yaxta saxlanılıb.
Bruno Le Maire
Nazir vurğulayıb ki, Fransada 30-a yaxın rusiyalıya məxsus yarım milyard avro dəyərində daşınmaz əmlak da müsadirə edilib.
