Rusiyada yaşayan azərbaycanlı jurnalist, “Nə? Harada? Nə zaman?” tele-oyunun keçmiş iştirakçısı Rövşən Əsgərov axtarışa verilib. Bu haqda məlumat Rusiya Daxili İşlər Nazirliyinin axtarış bölməsində yerləşdirilib:
1972-ci il təvəllüdlü Rövşən Əsgərov Cinayət Məcəlləsinin maddəsi ilə axtarışa verilib.
deyə qeyd edilib
Lakin jurnalistin hansı maddə ilə axtarıldığı açıqlanmayıb.
Nə baş verib: Aprelin sonlarında Rusiya İstintaq Komitəsinin Baş İstintaq İdarəsi Rövşən Əsgərova qarşı Rusiya Federasiyası Cinayət Məcəlləsinin 354.1 (nasizmin reabilitasiyası) maddəsi ilə cinayət işi açıb.
Nədə ittiham olunub: İddia olunub ki, jurnalist feysbuk hesabındakı paylaşımda rus sərkərdəsi, Sovet Marşalı Georgi Jukovu “təcrübəli talançı”, “formalı qatil” və Almaniyadan qiymətli əşyaları oğurlayan şəxs adlandırıb. İstintaq Komitəsi bunu marşalın xatirəsinə təhqir və onu gözdən salan yalan məlumat hesab edib.
