“AbzasMedia”-nın direktoru Ülvi Həsənli saxlanılıb və Bakı Şəhər Baş Polis İdarəsinə aparılıb. Onun vəkili Zibeydə Sadıqovaya da polis zəng edərək idarəyə çağırıb.
Bu barədə məlumatı saytın baş redaktoru Sevinc Vaqifqızı yayıb. Onun daha öncə yaydığı məlumatda isə bildirilirdi ki, Ülvi Həsənli yoxa çıxıb. O, bu gün səhər erkən saatlarda evdən hava limanına getmək üçün çıxıb.
Onun səfər edəcəyi təyyarə hərəkət etsə də Ü.Həsənli sərnişinlərin arasında olmayıb və onunla əlaqə kəsilib.
Direktorun saxlanılmasından bir müddət sonra polis “AbzasMedia”nın ofisinə basqın edib və axtarış aparmağa başlayıb. Ərazidə olan jurnalistlərə çəkiliş aparmağa imkan verilməyib.
