Roma Papası Fransis İtaliyada mafiya üzvlərini yalançı xristian adlandırıb. Çərçənbə günü çıxışında mafiya üzvləri ilə bağlı danışan papa deyib ki, onların əksəriyyəti kilsəyə gedir və ibadət edir, amma ruhunda ölüm daşıyan insanlar özlərini xristian adlandıra bilməzlər.
Reuters İnformasiya Agentliyi xəbər verir ki, Müqəddəs Pyotr Meydanında çıxış edən Papanın fikirləri son dörd ildə mütəşəkkil cinayətkarlıqla bağlı ən sərt çıxış kimi qiymətləndirilir.
“Çox uzağa getmək lazım deyil, gəlin elə evimizdə – İtaliyada baş verənləri düşünək. Guya xristian Mafiya. Onlarda xristianlığa aid heç bir şey yoxdur. Onlar özlərini xristian adlandırır, amma həmin şəxslər öz ruhlarında ölüm daşıyırlar” – deyə Papa bildirib.
İtaliyanın məşhur Sicilya mafiyasi Cosa Nostra də Kalabriya mafiyası ‘Ndrangheta özlərini dinin bir parçası hesab edir.
