Müsavat başqanı Arif Hacılı “Məhsul” stadionunda keçirilən mitinqdə. Foto: Turan
Çox hörmətli xanımlar və bəylər, Burada qeyd olundu ki, Azərbaycan hakimiyyəti yenə də iqtisdi inkişafdan danışır. Halbuki Azərbaycanın iqtisadi tənəzzülü bütün rəqəmlərdə özünü göstərir. Azərbaycan nəinki aparıcı dünya dövlətlərilə müqayisədə, hətta Müstəqil Dövlətlər Birliyinə daxil olan, iqtisadiyyatı, cəmiyyəti geridə qalmış, iqtisadi resurları məhdud olan dövlətlər sırasında da ən geridə qalmış iqtisadi vəziyyətə malikdir.
Azərbaycanda ümumdaxili məhsul nəinki artmayıb, hətta 2017-ci ildə azalıb. Azərbaycan MDB-də belə yeganə ölkədir ki, manatın infilyasiyasının səviyyəsi iki rəqəmli – 14 faiz olub. Belə şəraitdə hansı iqtisadi inkişafdan danışmaq mümkündür? Biz dəfələrlə demişik, istər iqtisadi sahədə, istər siyasi sahədə bərabər imkan şəraiti olmadıqca hər hansı bir inkişafdan söhbət gedə bilməz.
Hansı ölkədə ki, bərabər imkanlar şəraiti yoxdur, hansı ölkədəki iqtisadiyyat, siyasət hakimiyyətin monopoliyası altındadır orada inkişafdan söhbət gedə bilməz.
Azərbaycanda bu gün müəllimlər, həkimlər, dövlət məmurları makinalara çevrilib. Azərbaycan hakimiyyəti onlardan seçkiləri saxlataşdırmaq, Azərbaycan cəmiyyətini boyunduruq altında saxlamaq, Azərbaycan xalqının azadlıq uğrunda mübarizəsinin qarşısını almaq üçün makina kimi istifadə edir.
Halbuki Azərbaycan səhiyyəsi sığorta sisteminin uzun illər bundan əvvəl qanun kimi qəbul edilməsinə baxmayarq tətbiq edilməməsi ucbatından, korrpsiya, qohumbazlıq, yerlibazlıq ucbatından acınacaqlı vəziyyətdədir.
Azərbaycan vətəndaşları xəstələnərəkdən Azərbaycan səhiyyə sisteminə müraciət etməkdən çəkinirlər. Bu gün Azərbaycanda hətta ən yüngül xəstəliyə tutulmaq insanların həyatı üçün təhlükəlidir. Bu gün səhiyyə sisteminin bir çox nümayəndələri xəstələnən Azərbaycan vətəndaşına müştəri kimi yanaşır, onlarn maliyyələrini əldə etməyə çalışırlar.
