Türkiyədə bu il 1 may Beynəlxalq Əmək günü İstanbulun Maltepe mitinq meydanından qeyd olunub. Əvvəlki illərdə olduğu kimi bu il də şəhərin məşhur Taksim meydanın girişə icazə verilməyib.
Mitinq üçün vətəndaşlar Turqut Özal Sahil bulvarında müxtəlif yerlərdə toplanıb. Bəzi yerlərdə polis plakatların dirəklərini söküb çıxarıb.
Müxtəlif həmkarlar ittifaqlarının qatıldığı mitinqdə “Yaşasın 1 may” kimi sloqanlar deyilib və mahnılar ifa olunub.
Mitinq baş verən əraziyə polis 3 ayrı bölgədə iştirakçıları yoxlayıb işəri buraxıb.
Cümhuriyyət Xalq Partiyasının da qatıldığı mitinqə ciddi polis nəzarəti olub. Ərazidə polis helikopterlə də nəzarət edib.
İstanbulun Beşiktaş bölgəsində toplanan Xalqların Qurtuluş Partiyasının üzvləri “1 mayı Taksimdə qeyd etməyə əngəl oluna bilməz” deyə şüar səsləndiriblər. Dağılışmaq istəməyən qrupun bir neçə üzvünü polis saxlayıb.
