Ermənistanda uzun müddətdir etiraz aksiyalarına liderlik edən Nikol Paşinyan parlamentin bu gün keçirilən xüsusi iclasında baş nazir seçilib. Ermənistan mətbuatının yaydığı məlumata görə, baş nazir postuna yeganə namizəd “Yelk” fraksiyasının üzvü Paşinyan olub.
Parlamentin xüsusi iclasını spiker Aro Babloyan açıb və bu günün “Şuşanın işğaldan azad olunması” günü olduğunu xatırladıb.
Daha sonra “Yelk” fraksiyasının üzvü Lena Nazaryan Paşinyanın bioqrafiyasını səsləndirib və onu kürsüyə dəvət edib. Çıxışından sonra o, 59 səs lehinə, 42 əleyhinə olmaqla baş nazir seçilib.
Parlamentin iclasını Respublika meydanına toplanan minlərlə insan canlı izləyib.
