ABŞ prezidenti Donald Tramp Şimali Koreya lideri Kim Çen Inla iyunun 12-i Sinqapurda keçirilməsi planlaşdırılan sammiti ləğv edib. Prezident görüşün ləğvi ilə bağlı Kim Çen Ina yazdığı məktubu Twitterdə paylaşıb.
Tramp görüşün ləğvini belə əsaslandırıb:
“Ən son açıqlamalarınızda qəzəb və açıq düşmənliyə əsaslanaraq düşünürəm ki, uzun müddətdir planlaşdırılan bu görüşün reallaşması üçün indi uyğun vaxt deyil”.
Sadly, I was forced to cancel the Summit Meeting in Singapore with Kim Jong Un. pic.twitter.com/rLwXxBxFKx
— Donald J. Trump (@realDonaldTrump) May 24, 2018
ABŞ prezidenti məktubunda Şimali Koreya liderinin ölkəsinin nüvə gücü ilə bağlı fikirlərinə də münasibət bildirib və deyib ki, onların bu imkanı daha kütləvi və daha güclüdür və Tram tanrıya dua edir ki, onlar bunu istifadə etmək məcburiyyətində qalmasın. Tramp məktubunda Kim Çen Ina məhbusları azad etidiyi üçün təşəkkür də edib və məlumat verib ki, indi onlar öz ailələri ilə birlikdədirlər.
ABŞ prezidenti məktubunu görüşün ləğvinə görə təssüf hissi ilə bitirib və vuröulayıb ki, əgər Kim Çen In görüşlə bağlı fikrini dəyişsə, ona xəbər etməkdən çəkinməsin:
“Əgər bu çox vacib sammiti keçirməklə bağlı fikrinizi dəyişsəniz, xahiş edirəm mənə yazmaq və ya zəng etməyə tərəddüd etməyin. Dünya və Şimali Koreya sülh, inkişaf və zənginlik üçün çox vacib imkanı itirdi”.
WATCH: @POTUS on his decision to cancel the planned North Korea summit. https://t.co/UlzBnkOdzs pic.twitter.com/LTKbqNDfNU
— Fox News (@FoxNews) May 24, 2018
Mayın 16-da Şimali Koreyanın rəsmi xəbər agentliyi hökumətin ABŞ prezidenti ilə sammiti ləğv edə biləcəyi barədə xəbər yayıb. Şimali Koreyanın Xarici İşlər Nazirliyinin rəsmisi bildirib ki, əgər rəsmi Vaşinqton birtərəfli olaraq nüvə silahının dayandırılmasında təkidinə görə danışıqlara yenidən nəzər salınacaq. Şimali Koreya bir vaxtlar ABŞ-ın təkidi ilə nüvə proqramini dayandıran Liviya lideri Müəmmar Qəddafinin taleyini yaşamaqdan narahat olub.
