ABŞ-da təhsilini yenicə başa vurub Azərbaycana qayıdan hüquqşünas Emin Aslan bu gün 17:30 radələrində saxlanılıb. Yaxınları ilə Bulvarda gəzərkən saxlanılan Emin Aslanı 4 nəfər mülki geyimli şəxs maşına mindirərək naməlum istiqamətə aparıb.
E.Aslanın yaxınları və vəkilləri 102 xidmətinə zəng edib xəbər versələr də, hələ də onun harada olması ilə bağlı məlumat ala bilməyiblər.
Hüquq müdafiəçisi Anar Məmmədlinin sözlərinə görə, onlar bir neçə polis bölməsi və idarəyə baş çəksələr də heç birindən cavab ala bilməyiblər.
“Yaxınlarının bildirdiyinə görə, saxlanarkən ona qarşı kobudluq olmayıb. Adını soruşub və sonra da maşına əyləşməyini xahiş ediblər, bundan sonra da naməlum istiqamətə aparıblar” – deyə A.Məmmədli məlumat verib.
https://www.facebook.com/bakhtiyar/videos/10156191933401421/
