İordaniyada Vergi haqqında qanun layihəsinə etiraz olaraq aksiyalar davam edir. NTV Türkiyə xəbər verir ki, İordaniya kralı Abdullah baş nazir Hani Mülkin istefasını tələb edib və baş nazir istefa məktubunu imzalayıb.
5 gündür ki, davam edən aksiyalar paytaxt Əmmanla yanaşı ölkənin digər şəhərlərində də keçirilir.
İordaniya qanunvericiliyinə görə, mayın 21-i qəbul edilən qanun layihəsi Nümayəndələr Məclisinə göndərilib. Qanunun qüvvəyə minməsi üçün Parlamentin Senat və Nümayəndələr məclisindən ibarət olan iki bölməsində müzakirə edilib, qəbul olunmalıdır.
Daha sonra Krala göndərilən qanun rəsmi mətbuatda yayımlanandan sonra qüvvəyə minmiş sayılır.
