Səsvermə hüququndan istifadə edən seçici. Foto: AA
Türkiyənin Şanlıurfa şəhərinin Suruç bölgəsində seçki məntəqəsində baş verən dava nəticəsində ölən və yaralananlaarın olması xəbərini bölgə quberniyası təkzib edib. Açıqlamada bildirilir ki, yayılan məlumatlar iyunun 14-ü baş verən və hazırda istintaqı davam edən hadisə barədədir. Seçki günü məntəqədə təhlükəsizliyin təmin olunması üçün lazımi tədbirlər görülüb.
Türkiyənin İzmir şəhərinin Bornova bölgəsində yerləşən Çimetaş orta məktəbinə hakim Ədalət və İnkişaf Partiyasının (AKP) millət vəkilliyinə namizədi Nəcib Nasir və AKP Gənclər Təşkilatının üzvlərinin kollektiv halda gəliblər. Bu da oradakı Xalqların Demokratiya Partiyası (HDP) üzvlərinin etirazına səbəb olub. Onlar AKP üzvlərinin məktbin bağçasına icazəsiz girməklərinə etiraz edib və iki partiya üzvləri arasında gərginlik yaşanıb. AKP üzvləri HDP-liləri döyüb və döyülən üzvlər evlərinə göndərilib. Hazırda ərazi polisin nəzarətindədir və polis səs verənləri məktəbin ərazisindən uzaqlaşdırır. İzmir qubernatoru bildirib ki, o da hazırda məktəbdədi və gərginlik hələ də qalır.
İstanbulun Pendik rayonunda isə səs vermək üçün məntəqəyə gələn ata və oğul “FETÖ” istintaqında axtarışda olduqları ittihamı ilə həbs olunublar. Hadisə Mahir İz orta məktəbində baş verib. Səs vermək üçün məntəqəyə gələn Xədicə K., həyat yoldaşı İshaq K. Və oğlu Əhməd K. ilə birlikdə məntəqə üzvlərinə yaxınlaşıb. Xədicə K. Bildirib ki, o, oxumaq və yazmaq bacamır buna görə də məntəqə üzvlərindən ailə üzvləri ilə birlikdə səs verməyinə icazə verilməyini xahiş edib. Bunun qanuna ziddi olduğu bildiriləndən sonra mübahisə yaranıb. Hadisə yerinə gələn polis ata ilə oğulun şəxsiyyət vəsiqələrini yoxladıqdan sonra onları həbs edib.
Mübahisə zamanı halı pisləşən Xədicə K. isə xəstəxanaya aparılıb.
Cümhuriyyət Xalq Partiyasının (CHP) Məclis üzvü Erdal Aksünger isə sosial şəbəkə hesabında səsverdiyi məntəqədə qarşıdurma yaşandığı barədə xəbər yayıb. Onun sözlərinə görə, qarşıdurmanı AKP-lilər törədib.
“Səs verdiyim məntəqədə AKP təmsilçisi səsvermə kabinəsinin yanında dayanmışdı, ona bildirdik ki, uzaqlaşsın. Bi müddət sonra bir neçə nəfərlə birlikdə gəldi və qarşıdurma yarandı. Bunlar başa düşüblər ki, artıq gedirlər. İyrənclik bizi məğlub edə bilməz, bilin ki, gedirsiniz” – deyə E.Aksünger yazıb.
