Azərbaycan Beynəlxalq Bankının İdarə Heyətinin hazırda həbsdə olan sabiq sədri Cahangir Hacıyevin həyat yoldaşı Zamirə Hacıyeva Londonda məhkəmənin qərarı ilə ev dustaqlığına buraxılıb.
Bu barədə “Report”un London bürosu xəbər verir.
Şərtlər nədir: Böyük Britaniyanın Kral Ədalət Məhkəməsinin bu gün keçirilən iclasında qəbul olunan qərarla:
Zamirə Hacıyeva hər gün 09.00-dan günorta saatlarınadək polis bölməsinə baş çəkməlidir,
Axşam 21.00-dan səhər 06.00-dək evdən bayıra çıxa bilməz,
Z.Hacıyevanın pasportu polisdə saxlanılacaq.
Nə baş verib: Noyabrın 6-da Zamirə Hacıyeva İngiltərədə həbs edilib. O, iki mənimsəmə ittihamı ilə təqsirli bilinir. Cahangir Hacıyevin həyat yoldaşı Zamirə Hacıyeva illərdir ki, Londonda yaşayır. Bir neçə həftə əvvəl onun adı Londonun məşhur Harrods alış-veriş mərkəzində 16 milyon funt xərcləməyi ilə gündəmə gəlib.
https://www.instagram.com/p/BpjgCukgvr0/
