Gürcüstan Müsəlmanları Ali Dini İdarəsinin rəhbəri Mirtağı Əsədov barəsində Azərbaycanda İnzibati Xətalar Məcəlləsinin 535.1-ci maddəsi və 510-cu maddəsi, xuliqanlıq və polisin qanuni əmrinə tabe olmama maddələri üzrə 30 sutka həbs qərarı çıxarılıb.
Qərarı Nərmanov rayon məhkəməsi verib. Bu barədə vəkil Elçin Sadıqov BBC News Azərbaycancaya danışıb.
Nə baş verib: Gürcüstan Müsəlmanları Ali Dini İdarəsinin rəhbəri Mirtağı Əsədov noyabrın 7-də Bakıya gələn zaman, günorta saatlarında Sınıq Körpü Gürcüstan-Azərbaycan sərhəd keçid məntəqəsində saxlanıb. Onun harada saxlanması barədə 1 həftə ailəsinə heç bir məlumat verilməyib.
Mirtağı Əsədovun həyat yoldaşı Şəhanə Hacıyeva deyib ki, onun saxlanılması haqqında həm Gürcüstanda, həm də Azərbaycanda Ombusman aparatına müraciət olunub.