Ruslan Qurbanlı. Foto: şəxsi arxiv / facebook

Bu gün polis idarəsinə aparılan AXCP fəallarından Ruslan Qurbanlı 1000 AZN məbləğində cərimə olunub. Partiya fəalının verdiyi məlumata görə, o, İnzibati Xətalar Məcəlləsinin 513.2-ci maddəsi (“Sərbəst toplaşmaq azadlığı haqqında” Qanunla müəyyən edilmiş qaydada təşkil edilməyən yığıncaq, mitinq, nümayiş, küçə yürüşü və ya piketdə iştirak etməyə görə) ilə təqsirli bilinib.

R.Qurbanlı cərimənin məbləğinin 1000 AZN olmağını bu maddə ilə artıq ikinci dəfədir cərimələnməyi ilə izah edib.

R.Qurbanlı həm də deyib ki, o, saxlanılan zaman böyrəyindən zədə alıb və polislər onu səkiyə yıxaraq təpikləyib.

Nə baş verib: Bu gün Milli Dirçəliş gününü qeyd etmək məqsədi ilə AXCP və Milli Şura üzvləri Şəhidlər Xiyabanına yürüş etmək istəyib. Polis mane olub və Cəmil Həsənli, Əli Kərimli başda olmaqla 53 fəalı Səbail rayon Polis İdarəsinə aparıb.

  • Cəmil Həsənli artıq sərbəst buraxılıb. Bu barədə məlumatı Gültəkin Hacıbəyli verib.