Həsən Ruhani ABŞ-a neftlə bağlı xəbərdarlıq edib

İran prezidenti Həsən Ruhani neft ixracı ilə bağlı ABŞ-a xəbərdarlıq edib. Sputnik Türkiyə yazır ki, prezident İranın neft ixrac etməyəcəyi təqdirdə digər körfəz ölkələrinin də ixrac edə bilməyəcəyini deyib.

“Amerika bilməlidir ki, İran neft satmasa, körfəzdəki digər ölkələr – Səudiyyə Ərəbistan, Bəhreyn, Qətər, İraq, Küveyt, Birləşmiş Ərəb Əmirlikləri və Oman da neft ixrac edə bilməz” – Ruhani deyib.

Nə baş verib: ABŞ rəsmiləri İran İslam Respublikasının nüvə proqramına və regiondakı nüfuzuna mane olmaq üçün onun neft ixracatını sıfıra endirməyi planladıqlarını deyib.