Putin deyir ki, “Hunter killer”in ssenarisi sürrealdır
Rusiya prezidenti Vladimir Putin Hollywood istehsalı olan “Hunter killer” filminin ssenarisinin sürreal olduğunu deyib. Sputnik Türkiyə yazır ki, Rusiya prezidentinin əsarətdən xilas edilməsindən ABŞ-a məxsus sualtı qayığın Rusiyanın Arktikadakı hərbi bazasında lövbər salmağından bəhs edən filmin ssenarisini Putin bəyənməyib.
“ABŞ ordusunun ukraynalılara hədiyyəsi olan iki balaca gəmi Kerç boğazını keçə bilmədi. ABŞ-a məxsus sualtı qayığın bizim hərbi bazaya girə bilməyini istəyirsiz? Pis filmə bənzəyir. Bu, reallıqdan çox uzaq ssnearidir. Sürreal!” – Putin deyib.
Niyə Putin belə düşünür: Rusiya bu həftə Şimal dənizi marşutunda hərəkət etmək istəyən xarici hərbi gəmilərlə bağlı qaydaları dəyişdirib. Gələn ildən etibarən qüvvəyə minəcək yeni qaydalara əsasən, Arktikaya doğru hərəkət etmək istəyən hərbi gəmilər bu barədə əvvəlcə Rusiya Müdafiə Nazirliyini məlumatlandırmalıdır.
