Mehman Hüseynovun vəkili Şəhla Hümbətova. Foto: screenshot / Turan

Bloqqer Mehman Hüseynovun vəkili Şəhla Hümbətovaya onla görüşə icazə verilməyib. Bu barədə vəkil Mikroskop-a danışıb.

“Bu gün 2 saat yarım ərzində 14 saylı cəzaçəkmə müəssisəsinin qapısında icazə almağa çalışmışam, amma görüşə şərait yaradılmayıb. Min cür absurd bəhanə ilə görüşə mane oldular” – Ş.Hümbətova deyib.

Nə baş verib: Penitensiar xidmətin dünən yaydığı məlumata görə, Mehman Hüseynov cəza çəkdiyi 14 saylı cəzaçəkmə müəssisəsində ümumi axtarış zamanı Rejim-nəzarət şöbəsinin böyük inspektoru, ədliyyə leytenantı Əli Abdalova xəsarət yetirib. Fiziki müqavimət göstərdiyi iddia olunan bloqqerin otaqda olan əşyaları sındırdığı deyilir. Cinayət Məcəlləsinin 315.2-ci maddəsi (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olan zor tətbiq etməklə müqavimət göstərmə) ilə cinayət işi başlanıb.

Şərhini yaz

Şərhinizi yazın
Adınızı daxil edin