Həbsdə olan bloqqer Mehman Hüseynovun ittiham olunduğu cinayət işi ağırlaşdırılıb. Turan yazır ki, onun vəkili Şəhla Hümbətovanın verdiyi məlumata görə, Cinayət Məcəlləsinin 317.2-ci (cəzaçəkmə müəssisəinin əməkdaşına təhlükəli şəkildə zor tətbiq etmək) maddəsi ilə cinayət işi qaldırılıb. İttiham təsdiqini taparsa, onu 5 ildən 7 ilə qədər həbs gözləyir.
Buna da bax: Mehman Hüseynovun üzərindən pul tapılma iddiası niyə absurddur? İzah edirik!
Mehman Hüseynovla görüşən vəkil həm də deyib ki, bloqqer təcridxananın əməkdaşına heç bir xəsarət yetirmədiyini bildirib.
“Artıq üçüncü gündür ki, qida, su qəbul etmir. Cəzaçəkmə müəssisəsinin əməkdaşları qoluna girərək onu gətirdilər. Səhhəti o qədər qaydasında deyil ki, cəzaçəkmə müəssisəsi əməkdaşları buraxan kimi M.Hüseynov özünü ayaq üstə saxlaya bilmədi. Nə qədər xahiş etdiksə də su, qida qəbul etmədi. Cinayət işini əsassız sayan M.Hüseynov buna cavab olaraq aclıq aksiyasını dayandarmayacağını bildirdi”.
