Reper Camal Əli həbsdə aclıq aksiyası keçirən bloqqer Mehman Hüseynova dəstək olmaq üçün yeni track yazıb. Reper Mikroskop-a deyib ki, tracki yazmaqda məqsəd bloqqerin azadlığa buraxılmasını tələb etməkdir:
Martın 3-ü Mehmanın hazırkı həbs müddəti bitir. Həmin tarixdə onun azad olunmağını tələb edirik.
“My queen” adlanan trackdə müəllif kraliça kimi vitse-prezident və İlham Əliyevin həyat yoldaşı Mehriban Əliyevanı nəzərdə tutub.
Trackdən hissə:
My Queen qoy olum mən ayağının tozu
Siz ər-arvad çoban olun, biz də qoyun-quzu
Sənsən qaranlıq gecəmin dan ulduzu
Möhtərəm, cənab zati aliləri qaşınır buynuzum
Buna da bax: Mehman Hüseynov: Martın 2-də azadlığa buraxılmasam, başqa cür hərəkət edəcəm
Nə baş verib: Video-bloqqer Mehman Hüseynov həbs müddətinin bitməyinə iki ay qalmış yeni cinayət işində ittiham olunub. O, həbsxana əməkdaşına xəsarət yetirməkdə təqsirli bilinir. Bu ittihamla onu 5-7 il həbs gözləyir.