Müsavat partiyasının üzvləri Rəsulzadənin büstü qarşısında. Foto: Turan

Müsavat Partiyası həbsdə aclıq aksiyası keçirən bloqqer Mehman Hüseynova dəstək üçün mitinq keçirəcək. Partiya sədri Arif Hacılının verdiyi məlumata görə, mitinqin yanvarın 12-i saat 15:00-da keçiriləcəyi planlaşdırılır.

Partiyanın Divan üzvü Tofiq Yaqublunun Mikroskop-a verdiyi məlumata görə, mitinqin yeri hələ ki, dəqiqləşməyib.

Sabah mitinq ilə bağlı müraciət üçün Bakı Şəhər İcra Hakimiyyətinə məktub göndəriləcək. Keçiriləcəyi yer də onda dəqiq bilinəcək. Böyük ehtimalla Məhsul stadionunda olacaq.

Buna da bax: Reper Camal Əli Mehman Hüseynova dəstək üçün track yazdı

Nə baş verib: Həbsdən azad olunmağına iki ay qalmış haqqında yeni cinayət işi açılan bloqqer Mehman Hüseynov buna etiraz olaraq 11 gündür ki, aclıq aksiyası keçirir. O, həbsxana əməkdaşını döyməkdə ittiham olunur və bu ittihamı əsassız sayır. Həbsinin və yeni ittihamın bloqqer fəaliyyəti ilə bağlı olduğunu deyir.

Şərhini yaz

Şərhinizi yazın
Adınızı daxil edin