Sumqayıtda çökən yol. Foto: screenshot / qafqazinfo

Sumqayıt şəhərinin “dejurnıy” adlanan ərazisində yol çöküb.

Qafqazinfo yazır ki, çökmə Kamran Hüseynov küçəsində baş verib.

“Azərsu” ASC-nin Sumqayıt şəhər Sukanal İdarəsinin rəisi Darvin Hüseynov bildirib ki, hadisə baş verəndən bir neçə saat sonra su xəttində yaranan problem aradan qaldırılıb. D.Hüseynov sözlərinə görə, problem təkcə bu ərazidə deyil, ümumiyyətlə kanalizasiya xətləri istismar müddətini başa vurub:

Bunlar 1949-cu illərdə çəkilmiş kanalizasiya xətləridir və bu xətlər artıq ömrünü başa vurub. 2012-ci ildən sonra bir neçə dəfə çökmə hadisələri baş verib. Hissə-hissə olaraq xətlər dəyişdirilir.