Bloqqer Mehman Hüseynovun atası Rafiq Hüseynov yanvarın 8-də Bakı İstintaq Tәcridxanasında oğluyla görüşüb.
Meydan TV yazır ki, onlar 1 saatdan çox söhbət ediblər. R. Hüseynov oğlunun aclığını dayandırmadığını, onun halsız və zəif göründüyünü bildirib:
Mәn ondan qida qәbul etmәyini xahiş etdim. Ona meyvә vә başqa yemәklәri aldım, xahiş etdim ki, hamısını yesin. Bilmirәm, mәnә qulaq asacaq ya yox.
Mehman Hüseynov atasına nəzarətçini döymədiyini deyib:
Hәmin zaman mәn orda olmamışam, başqa yerdә çay içirdim. İttihamlar uydurma vә yalandır, Mehman belə dedi.
Bu gün Mehman Hüseynovla həm də Ədliyyə Nazirliyi yanında İctimai Komitənin üzvləri görüşüb. Görüşdə iştirak edən hüquq müdafiəçisi Səadət Bənəniyarlı Qafqazinfo-ya deyib ki, Mehman Hüseynov onlarla 1 saatdan artıq söhbət edib:
“Yəqin, zəifliyi olan, özünü pis hiss edən adam bu qədər uzun müddət söhbətləşə, fikirlərini səlis ifadə edə bilməz. Mehman bizə dedi ki, aksiyanı hardasa ötən ayın 30-dan saxlayıb, sulu qidalar qəbul edir. Özü demiş, kabab yeməyəcək ki? Özünü tam normal idarə edə bilir, rahat gəzir də. Bizim onun qaldığı kamarenı görmək, saxlanma şəraiti ilə tanış olmaq imkanımız da oldu. Hər şey normaldır”.
Görüşdə Sahib Məmmədov, Əliməmməd Nuriyev və Rauf Zeyni də olub.
Nə baş verib: Haqqında açılan yeni cinayət işinə etiraz olaraq hazırda həbsdə olan bloqqer Mehman Hüseynov 13 gündür ki, aclıq aksiyası keçirir. Onun ilk həbsinin müddəti martın 3-də bitir.
