REAL Partiyası Milli Şuranın sabah bloqqer Mehman Hüseynova dəstək üçün keçiriləcək mitinqində iştirak edəcək. Bu barədə partiyanın sədri İlqar Məmmədov məlumat yayıb. O bildirib ki, bu gün AXCP sədri Əli Kərimli ona mitinqdə iştirak üçün dəvət məktubu göndərib:
REAL İdarə Heyəti açıq səsvermə yolu ilə dəvət əsasında iştirakın mümkünlüyünü qəbul edib və bu mitinqdə REAL-ın adından dəstək nitqi ilə çıxış etməyi mənə tapşırıb. Baxmayaraq ki, hazırda sağlamlıq dururmum bunu çətinləşdirir, qatılıb siyasi məhbusların müdafiəsinə çıxış edəcəyəm.
Nə baş verib: Yanvarın 11-i Milli Şura bloqqer Mehman Hüseynova dəstək məqsədilə “Məhsul” stadionunda aksiya keçirilməsi barədə qərar verib və həmin gün razılıq üçün Bakı Şəhər İcra Hakimiyyətinə müraciət edib. Yanvarın 15-i BŞİH mitinqin keçirilməsinə razılıq verib. Mitinq yanvarın 19-u, saat 15:00-dan 17:00-a qədər olacaq.
