Benksinin Parisdəki əsəri oğurlanıb

Benksinin oğurlanan əsəri. Foto: Thomas Samson / AFP/GETTY IMAGES

İngiltərəli qraffiti ustası Benksinin Parisdə bir qapının üzərinə çəkdiyi, başı aşağı əyilən qız uşağının təsvir olunduğu əsəri oğurlanıb.

NTV yazır ki, 2015-ci ildə “Bataclan” konsert zalına edilən hücum zamanı həyatını itirənlərin xatirəsinə həsr edilən rəsmin oğurlandığını “Bataclan” rəsmiləri “Twitter”dən elan edib:

Benksinin buradakılara, parislilərə, bütün dünya vətəndaşlarına aid olan simvolik əsəri bizdən alındı.

Məlumata görə, naməlum şəxslər üzərində rəsmin olduğu qapını söküb və binanın təcili çıxış qapısından çıxaraq ərazidən uzaqlaşıblar.

Bunu da oxu: Benksi yeni əsərini təqdim edib – “Mövsümün salamları”

Benksi kimdir: Şəxsiyyəti məlum olmayan qraffiti ustası Benksi ingilisdir. O, ictimai yerlərdə sənət əsərləri yaradır və özünəməxsus stili olduğu üçün əsərləri artıq asanlıqla ayırd edilə bilir. 1990-cı illərdə o, doğma şəhəri Bristolda sprey boya ilə grafittilər yaratmağa başlayıb. 2000-ci illərdə isə dünyanın müxtəlif yerlərində öz izini qoymağa başlayıb və məşhurlaşıb.

Şərhini yaz

Şərhinizi yazın
Adınızı daxil edin