Venesuela müxalifətinin lideri, özünü ölkənin müvəqqəti prezidenti vəzifəsinin icraçısı elan edən Xuan Quaydo hərbçilərlə və məmurlarla prezident Nikolas Maduronu hakimiyyətdən kənarlaşdırmaq üçün danışıqlar apardığını deyib.
Washington Post yazır ki, Quaydo şəxsi təhlükəsizliyi çərçivəsində hərbçilərlə ünsiyyətini gizli davam etdirir.
Quaydo ABŞ-dakı Venesuela səfirliyinin hərbi attaşesinin müxalif tərəfə keçməsindən çox razı olduğunu qeyd edib.
Maduronun da öz planları var: Venesuelanın qurucusu hesab edilən Simon Bolivarın məclisdə çıxış etməsinin 200-cü il dönümü münasibətilə ölkədə 10-15 fevral tarixlərində mərasimlər baş tutacaq. Maduro bunu xatırladaraq əsgərləri birlik olmağa səsləyib. Onun “Venesuela tarixindəki ən mühüm hərbi hərəkatlara hazırlaşırıq”, deməsi hərbi hərəkat planlaşdırması kimi başa düşülüb.
Buna da bax: Maduro geri çəkilmək istəmir, ölənlərin sayı artır
Nə baş verib: Quaydo yanvarın 23-də, Venesuelada müxalifətin təşkil etdiyi mitinqlər fonunda özünü prezidentin səlahiyyətlərinin müvəqqəti icraçısı elan edib. ABŞ və digər bir çox ölkə ilə yanaşı, bu gün də Avstraliya Venesuela müxalifətinin lideri Xuan Quaydonu bu ölkə prezidentinin vəzifəsini müvəqqəti icra edən şəxs kimi tanıyıb.
https://www.instagram.com/p/BtBKjBdAHfB/
