Xuan Quaydo. Foto: Rodrigo Abd / AP

Venesuela Birləşmiş Ştatların dövlət neft şirkətinə sanksiyalarına cavab verib.

Azadlıq Radiosu yazır ki, ölkənin Ali Məhkəməsi müxalifət lideri Xuan Quaydoya səyahət qadağası tətbiq edib, onun bank hesablarını dondurub.

Vaşinqton bu addımlarla bağlı xəbərdarlıq edib, ancaq konkret hansı tədbirlər görəcəyini dəqiqləşdirməyib.

Nə baş verib: ABŞ hakimiyyətini saxlamağa çalışan Venesuela prezidenti Nikolas Maduronu qanunsuz lider elan edib, Quaydonu Venesuela prezidenti kimi tanıyıb. Yanvarın 28-də isə ABŞ Xəzinədarlıq Departamenti Venesuelanın PDVSA dövlət neft şirkətinə sanksiyalar tətbiq edib. Vaşinqton onu da bildirib ki, PDVSA-nın ABŞ-dakı filialı “Citgo” ya məxsus bank hesabları Quaydoya veriləcək. Yanvarın 29-da isə Venesuelanın baş prokuroru Quaydonu ölkənin daxili işlərinə müdaxilədə xarici ölkələrə kömək etməkdə suçlayıb, Ali Məhkəmədən onunla bağlı araşdırma aparmağı xahiş edib.

Şərhini yaz

Şərhinizi yazın
Adınızı daxil edin