Taleh Bağırzadə 5, Abbas Hüseyn 2 gündür ki, aclıq aksiyası keçirir

“Müsəlman Birliyi” hərəkatının Nardaran hadisələri zamanı həbs olunan sədri Taleh Bağırzadə və hərəkatın üzvü Abbas Hüseyn cəza çəkdikləri Qobustan qapalı həbsxanasında aclıq aksiyasına başlayıb.

Bu barədə məlumatı siyasi məhbus Fuad Qəhrəmanlının həyat yoldaşı, yazıçı Zümrüd Yağmur yayıb. Onun sözlərinə görə, Taleh Bağırzadə artıq 5 gündür, Abbas Hüseyn isə 2 gündür ki, aclığı davam etdirir.

A.Hüseynin ailəsindən deyiblər ki, o, aksiya barədə telefonda məlumat verərkən təzyiqlə üzləşib, telefonun dəstəyi əlindən alınıb və danışmağına imkan verməyiblər.

A.Hüseynin verdiyi məlumata görə, Taleh Bağırzadə hamamdan və telefon əlaqəsindən məhrum edilib.

Bunların həbsxana rəisi Avtandil Ağayevin birbaşa iştirakı ilə həyata keçirildiyi iddia edilir.

"20 qəpik mənim oğlum dövlətə zərər vurmamışdı, 20 il iş verdilər"

20 il azadlıqdan məhrum edilən inanclı fəal Abbas Hüseynova Qobustan qapalı həbsxanasında işgəncələr verilir. Fəalın evindən hazırladığımız reportajda anası və vəkili Abbasın son durumu barədə danışırlar. Bu gün isə onun Kürdəxanı istintaq təcridxanasına köçürüldüyü və yeni cinayət işi açıldığı barədə məlumat yayılıb.

Posted by Mikroskop Media on Tuesday, January 15, 2019

Şərhini yaz

Şərhinizi yazın
Adınızı daxil edin