İnternet. Foto: pixabay

Dövlət Duması ilk oxunuşda Rusiyada “İnternetin müstəqil fəaliyyətinə dair” Qanun layihəsini təsdiqləyib.

BBC yazır ki, sənəd üçün səsvermədə 334 deputat iştirak edib, onlardan 47 deputat əleyhinə səs verib.

Müəlliflərin fikrincə, layihənin məqsədi qlobal şəbəkədə internetin kəsiləcəyi təqdirdə Rusiya seqmentində işləməyə davam etməsidir. Belə bir təhlükə halında “Roskomnadzor”a Rusiyada internetin idarə edilməsi həvalə ediləcək.

Qanun layihəsinə əlavə edilən sənəddə bildirilir ki, Rusiya, Kommunikasiyalar haqqında qanuna bu dəyişiklikləri 2018-ci ildə ABŞ-da qəbul edilmiş “milli kibertəhlükəsizlik strategiyasın”a görə etməyə məcburdur.

Qanun layihəsinə görə internetin Rusiya seqmetində məlumat axını mənbələrinin müəyyənləşdirilməsi məqsəsdilə “xüsusi texniki qurğular” yerləşdiriləcək.

Lazım gələrsə, bu “texniki qurğulardan” internet resurslarındakı qadağan olunmuş informasiyanı məhdudlaşdırmaq üçün istifadə olunacaq.

Rusiya özünün milli domen sistemini (DNS) yaradacaq ki, bu da məlumatların internetə hansı kompüterlərdən daxil olmasını aşkara çıxara biləcək.

Layihənin icrası milyardlarla pul tələb edir və o, Hesablama Palatası tərəfindən tənqid edilib.
Dekabr ayında hökumətə aid olan ekspert şurası “Şəbəkə və IT” yalnız ilkin xərclərin 26 milyard rubl olacağını açıqlamışdı. Ekspertlər deyir ki, əgər sənəddə göstərilən bütün tədbirlər görülsə, iş prosesi zamanı böyük ehtimalla pozuntular baş verəcək. Bu pozuntuları aradan qaldırmaq üçün hər il 134 milyard rubl xərclənəcəyi ehtimal edilir.

Şərhini yaz

Şərhinizi yazın
Adınızı daxil edin