“Sərhədsiz Reportyorlar” beynəlxalq mətbuat azadlığı təşkilatı “bastainfo.com” saytının redaktoru Mustafa Hacıbəyli barəsində çıxarılan hökmü pisləyib.
Təşkilatın bəyanatında M.Hacıbəylinin şərti olaraq 5,5 il azadlıqdan məhrum edilməsi “absurd” adlandırılıb.
Bu, absurd mühakimədir, sadəcə, Azərbaycanda qalan bir neçə mühüm tənqidçi KİV-in qorxudulmasıdır – təşkilatın Şərqi Avropa və Mərkəzi Asiya şöbəsinin rəhbəri Yohann Bir deyib.
https://twitter.com/RSF_EECA/status/1098879871990853632
O, beynəlxalq birliyi bu repressiyalara görə məsuliyyət daşıyan şəxslərə qarşı məqsədyönlü sanksiyalar tətbiq etməyə səsləyib:
Yalnız mətbuat azadlığı və insan hüquqlarına hörmətlə yanaşılması şərtilə Bakıya maliyyə dəstəyi göstərməyə çağırırıq.
Nə baş verib: “Bastainfo.com” xəbərlər saytının redaktoru M.Hacıbəyli saytda dərc edilən məqalələrə görə həbs olunub. M.Hacıbəylini hökumətin devrilməsinə çağırışlarda, sui-istifadə və vəzifə saxtakarlığında ittiham edən məhkəmə qərara alıb ki, əgər növbəti iki il ərzində o, yeni cinayətlər törətməsə həbs cəzası çəkməyəcək. Bu müddətdə məhkəmə nəzarətində olacaq. Ona xaricə getmək qadağan edilib.
